Zing in de Nach van ’t Limburgs leed
’t Leed euver de nach van leid
De nach nao ’t bómbardement tachtig jaar truuk
Kinder doeëd onder ’t puin aan de Parade, Picardie en Nassaustraot
Nach met mier träön as ‘t beddekösse kin opzuge.
Toen heej
Later dao
Noow nog
’n Gebómbardeerde stad
De Nach van ’t Limburgs Leed is
Opniej örges ’nne nach van bómme
Zing alzoeë in deze nach
’n Leed taege de Meisters van Oorlog
Zing
Geej die de vlegers van de doeëd bouwt
Geej die alle bómme bouwt
Geej die achter dieke more schuult
Geej die achter buro’s schuult
Ik wil gewoeën det geej wet
Det ik door óg maskes haer kièk
Geej die noeits waat heb gedaon
Aevel…
Zing in de Nach van ’t Limburgs Leed
Ouk ’t leed van ’t ierste leech
Det door ’t loeëdgries brik
Van ‘nne septemberzondaag
’t Leech det door gordiene velt
Op ’n femiliebed wao-in elders ligge
Met tösse eur in ’n kiendje
’n Kroekestöpke det in deze
Nach van ’t Limburgs Leed
De wermte van leefde vuuelt
Over de schrijver
Sef Derkx
Ernaar gevraagd, noemt Sef Derkx zichzelf soms hartstochtelijk Venlonaar. Hij schrijft over geschiedenis en cultuur en vertelt erover in lezingen en voorstellingen. Al meer dan een kwart eeuw is hij stadscolumnist. Zijn Waerse Wandelinge door de binnenstad van Venlo zijn een begrip. Op 25 januari 2023 werd bekendgemaakt dat Sef dit jaar als stadsdichter de stad Venlo probeert te vangen in poëzie.
